يشرح الأستاذ ماجد عن المقامات و كيفية عزفها و طريقة تحويل العرب على القانون و يتطرق الى مقامات متعددة على نغمة الدو.
ماجد سرور:
"هنلاقي إن سلم الدو ماجير ع القانون هعزفهولكو دلوقتي من الدو للدو ماجير (يعزف الاستاذ ماجد التمرين).
هنلاقي شكله في العرب هتلاقي المي مرفوعة والسي مرفوعة كاملة والسي مرفوعة كاملة والباقي كله العرب نازله اتنينات العرب دي اللي موجودة في آلة القانون هي قطعة مصنوعة من معدن نحاس هي معمولة على إنها لما بترفع عربة بتزود النغمة بتعليها لما بتنزل العربة يبقى انت كده بتخفض الصوت بتقلله ف كل ما بترفع بتغير المقام كل ما بتنزل يبقى مقام تاني ف هنا الدو ماجير اللي هو زي البيانو اللي هو كله صوابع بيضا بس مفيش أي صوابع سودا بيبقى شكله إن المي والسي مرفوعين ع الآخر والباقي كله في عربتين عربتين عربتين كله نايم ده شكل عشان تبقى عارف هتحول الدو ماجير إزاي ع القانون وهسمعك السلم (يعزف الاستاذ ماجد التمرين) الشكل الإيقاعي اللي احنا عزفناه مقطوعة فريرو جاكو بردو مخرجش عن التا فا تي في والتا تي اللي إحنا اتعلمناهم (يقرأ الاستاذ ماجد قراءة إيقاعية) طبعا هنا بان من الشكل إن التا فا تي في أسرع (يقرأ الاستاذ ماجد قراءة إيقاعية) بقيت أسرع (يقرأ الاستاذ ماجد قراءة إيقاعية) التا اللي هو النوار بيتقسم لحاجتين فيبقى تا تي بيتقسم لاربعة يبقى تا فا تي في في نفس الزمن يعني تا فا تي في هي نفس زمن النوار التا تي هي نفس زمن النوار ده الشكل الإيقاعي بتاع المقطوعة اللي احنا بنتعلم نعزفها دلوقتي فريرو جاكو دي مقطوعة بسيطة يعني دي من مقام الدو ماجير اللي احنا بنتعلمه النهاردة وبنحدد شكل العرب بتاعته بنتعلم من خلالها نبتدي نعزف بقى مقطوعات نتقابل في الدرس القادم إن شاء الله."
